Нереди на стадионот „Чаир“: Во прекин куп натпреварот меѓу Шкупи и Шкендија
Денеска се играат натпреварите од четвртфиналето во фудбалскиот Куп на Македонија, а се очекува највозбудливо да биде на дуелот меѓу Шкупи и Шкендија.
Но, повторно фудбалот како да е во втор план кога на теренот се овие две екипи.
На стадионот „Чаир“, тетовските „црвено-црни“ поведоа во деветтата минута со голот на Дашмир Елези.
Играчот на Шкендија се радуваше пред домашните навивачи на Шкупи кои тие го сфатија како провокација.
Домашни фанови влетаа на теренот, почнаа да ги напаѓаат гостинските играчи, по што мораше да реагира полицијата.
Судиите се повлекоа во соблекувалните, а потоа и фудбалерите на Шкендија.