Нема да се воведе забрана за увоз на свинско месо од Шпанија, заклучено е дека нема африканска чума – Слободен печат
ВестиЕкономија

Нема да се воведе забрана за увоз на свинско месо од Шпанија, заклучено е дека нема африканска чума

На состанокот, информират од МЗШВ, амбасадорот Лорензо Сера, даде цврсти гаранции дека во Шпанија не е утврдено присуство на вирусот во ниту една фарма.

Врз основа на анализите од шпанските надлежни институции, не е утврдено присуство на вирусот африканска свинска чума во ниту една фарма во Шпанија, потврди шпанскиот амбасадор Емилијо Лорензо Сера на денешниот работен состанок со министерот за земјоделство, шумарство и водостопанство Трајан Димковски во Скопје.

На состанокот, информират од МЗШВ, амбасадорот Лорензо Сера, даде цврсти гаранции дека во Шпанија не е утврдено присуство на вирусот во ниту една фарма, а овие информации се совпаѓаат и со известувањето од Светската организација за здравствена заштита на животните, во кое се посочува дека во Шпанија не е регистрирана појава на африканска свинска чума.

Затоа, порачуваат од МЗШВ, врз основа на сите овие информации, Агенцијата за храна и ветеринарство не воведе и нема да воведе забрана за увоз на свинско месо од Шпанија.

„Во заедничка комуникација и соработка со владите на Шпанија, Бугарија и Европската комисија, ќе се продолжи со истрагата што се случувало со пратката од свинско месо, во која од страна на АХВ беше утврдено присусутво на вирусот африканска свинска чума“, посочуваат од МЗШВ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Еден коментар

Напишете коментар

Вашата адреса за е-пошта нема да биде објавена. Задолжителните полиња се означени со *

Close