Не помага ниту Азар, Реал немоќен против Баерн (ВИДЕО) – Слободен печат
СпортФудбал

Не помага ниту Азар, Реал немоќен против Баерн (ВИДЕО)

Доцна синоќа во рамките на Интернационалниот Куп на шампионите на терените во САД се одиграа два натпревари, Реал повторно ги разочара своите навивачи.

Реал предводен од тренерот Зинедин Зидан не тргна најдобро ниту во летните подготовки, а францускиот стратег повторно не сметаше на услугите на Велшанецот Герет Бејл.

Арсенал во Шарлот забележа висока победа против Фиорентина, „топчиите“ славеа со резултат 3:0, а почетно водство донесе Нкетиах во 15 минута од средбата.

Истиот фудбалер ја зголеми предноста во второто полувреме (65 мин.), а конечниот епилог го постави Вилок (89 мин.)

Баерн во Хјустон без проблеми го совлада Реал Мадрид, Баварците запишаа победа од 3:1 против „кралскиот“ клуб во чии редови настапи и новото летно засилување, Еден Азар, а дебитираше и Лука Јовиќ.

По првите 45 минути водеше германскиот шампион со 1:0 благодарение на погодокот на Толисо во 15 минута од мечот.

Сите дилеми околу победникот беа решени за две минути, поточно во 67 и 69 кога стрелаа Левандовски и Гнабри. Поразот на мадридскиот клуб го ублажи Родриго (85 мин.)

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close