Поткожните проблеми се случуваат кога се насобира масно ткиво во форма на топче или чвор под кожата и многу наликуваат на акни.

Но, всушност не се акни, бидејќи не се работи за воспаление и најчесто поминуваат за кратко време, без да направат поголеми проблеми, но само под услов да не ги истиснувате.

Медицински оваа појава се нарекува атером (поткожна циста) и во најголем случај поминува од себе, а многу поретко се интервенира хируршки. Атеромите се капсулирани и се создаваат околу пора. Постојат и липоми, кои се масни грутки. И едните и другите е најдобро да не ги чепкате сами, а ако направат проблем, јавете се на лекар.

Липомите се еден вид на тумори на масното ткиво и не се опасни, но може да притискаат на нерви и да предизвикаат болки. Се појавуваат на грбот, рамениците и на стомакот, а поретко на другите делови од телото.

Атеромите може да се појават и на пазувите и препоните. За разлика од липомите, атеромите може да „истекуваат“ низ пора, но се додека постои капсулата внатре, таа повторно може да се наполни со масна содржина слична на гној, која има изразено непријатен мирис.

Во случај да почувствувате дека имате некаква грутка под кожата, не „интервенирајте“ сами, туку обратете се кај лекар. Некогаш ќе мора да се прима антибиотска терапија или да се нанесува антибиотска маст директно врз израстокот. Поретки се случаите кога се отстрануваат со хируршка интервенција. Тоа се прави доколку грутката почне да пречи во нормалното функционирање на лицето.

Кај атеромите е препорачливо хируршко отстранување, додека пак липомите може да се контролираат и никогаш да не направат посериозен проблем. Вие само треба да се воздржите од нагонот да ги истиснувате, за да не ја контаминирате крвта.