НАТО ќе го распореди турскиот систем за воздушен надзор MEROPS (мултиспектрален оптички нишан со проширен дострел) во Полска и Романија, поради растечката загриженост за руските упади на беспилотни летала во воздушниот простор на сојузниците.

Одлуката, како што пишува денес „Еурактив“, дојде откако полските власти пријавија 19 упади на воздушниот простор во текот на ноќта помеѓу 9 и 10 септември, што предизвика повици за посилен надзор на источното крило на НАТО.

MEROPS, развиен од турската компанија „Аселсан“, може да се монтира на хеликоптери и беспилотни летала и е способен да открива непријателски системи преку облаци и прашина.

Според „Еурактив“, обуката за ракување со системот започнува со поддршка на Украина, а се планира да започне уште следната недела.

Аналитичарите велат дека овој потег ќе ги зајакне можностите за рано откривање и ќе го забрза одговорот на заканите од беспилотни летала, кои станаа трајна карактеристика на руската агресија во Украина и нејзиното ширење во соседните земји. Одлуката, исто така, одразува поширок пресврт кон оптички системи за надзор, кои ќе ги надополнат радарските и традиционалните стратегии за одговор во стратегијата на НАТО за воздушен надзор во Источна Европа, заклучува „Еурактив“.