Новата градоначалничка на Кисела Вода, Бети Стаменкоска-Трајкоска вчера се сретна со деканот на Факултетот за физичко образование, спорт и здравје Влатко Неделковски со кого разговарале за почеток на обука за сите наставници од основните училишта за работа со деца со посебни потреби, која би започнала од декември оваа година.

„Ми беше драго што се запознавме со активностите на факултетот и што заеднички можеме да направиме повеќе за здравјето и развојот на децата, особено на оние со попреченост. Во фокусот на мојата работа ќе биде унапредувањето на спортската инфраструктура, но и подобрувањето на наставата по физичко образование, како и обезбедувањето еднакви можности за сите деца, без исклучок“, изјави градоначалничката.