Арнолд Шварценегер стана најскапиот личен тренер во САД откако во неделата тренираше два тима, од кои секој плати по 150.000 долари за вежбање со надгледување. Сѐ тоа беше во добротворни цели.

Шварценегер, имено, „призна“ дека сега почесто ќе наплаќа 150.000 долари по тренинг во неговата омилена вежбалница во Калифорнија. Споменатите суми се дел од собраните средства за добротворната програма „Афтер-скул ол-старс“ (After-School All-Stars), што глумецот ја основа пред 30 години за помош на децата на училишна возраст ширум земјата.

 

View this post on Instagram

 

A post shared by Arnold Schwarzenegger (@schwarzenegger)

Во донирањето, пак, луѓето даруваа 5,2 милиони долари. Покрај тренинзите, Арнолд на наддавање во рамки на акцијата продаваше и облека, уметнички дела и возење во своето воено возило.

Гостите платија по 50.000 долари за присуство на настанот, а меѓу нив беа Дени де Вито, Силвестер Сталоне, Долф Лундгрен, заедно со актерската екипа од новата серија на Арнолд на Нетфликс, „ФУБАР“. Неодамна, Арнолд и програмата помогнаа еден училиштен проект во Увалде, Тексас, САД, на барање на градот.