Најголемото кинеско нафтено поле на отворено море, Бохаи, постигна рекордно производство од над 40 милиони тони нафта во 2025 година, објави денес Кинеската национална корпорација за нафтени производи на отворено море (CNOOC).

Според корпорацијата, рекордното производство на ова водечко нафтено поле во земјата ќе обезбеди солидна поддршка за енергетската безбедност, како и висококвалитетен економски и социјален развој, објави Синхуа. Полето Бохаи, кое моментално се состои од повеќе од 60 нафтени и гасни полиња, постигна кумулативно производство на сурова нафта од над 600 милиони тони. Во текот на изминатите пет години, производството се зголеми за 5 проценти годишно, соопшти CNOOC.

Според корпорацијата, полето Бохаи исто така напредува во дигиталната и зелената трансформација, а постигнат е извонреден напредок во развојот на клучна опрема, пренесува Танјуг. Во исто време, над 80 проценти од нафтените полиња во полето Бохаи се поврзани со копнени извори на енергија, објави кинеската агенција.