Во поголемиот дел од Македонија уште вечерва ќе има услови за врнежи од снег, а утре ќе залади и ќе заснежи во целата држава, прогнозира Управата за хидрометеоролошки работи (УХМР). Најпрвин во северозападните делови од земјата се очекуваат повремени врнежи од дожд, а на планините ќе паѓа снег.

За време на викендот се очекуваат нови врнежи, кои на планините и повисоките места ќе бидат од снег, а во пониските делови од дожд и снег. Врнежите ќе бидат пообилни во западните региони, каде дополнително ќе се зголеми снежната покривка.

Во недела и понеделник се најавува умерен до засилен северен ветер, кој локално ќе надминува 60 километри на час. Температурите ќе бидат во опаѓање, а на одредени места ќе останат под нулата и во текот на денот, со повремени локални врнежи од снег, велат од УХМР.