Му лежи Бундеслигата: Вернер погоди, но Лајпциг не успеа да победи
Германскиот репрезентативец Тимо Вернер изминатата недела го напушти Челси и се врати во Лајпциг и веднаш на првиот натпревар за Лајпциг постигна гол, но неговиот тим не успеа да слави.
Лајпциг на домашен терен два пати имаше предност против Келн, но на крајот натпреварот заврши 2:2. Вернер го отвори резултатот во 36 минута со одличен шут од далечина иако на голот му кумуваше и голманот на Келн. Гостите израмнија само четири минути подоцна преку Диц.
Во второто идентична слика, Лајпциг поведе со голот на Нкунку, но Келн израмни благодарение на автоголот на Гвардиол.
Ајнтрахт одигра 1:1 на гости кај Херта која поведе уште во третата минута благодарение на голот на Сердар.
И во третата минута, но во вториот дел, беше постигнат гол, овој пат од играчите на Ајнтрахт. Коло Муани поведе контранапад по левата страна, ја испрати топката во средината каде беше Камада кој израмни на 1:1.
Аугсбург приреди изненадување победувајќи го Баер Леверкузен со 1:2 и тоа како гостин. Јенсен ги доведе гостите во предност во 15. минута, а израмни Арангуиз во 43. Победата на Аугсбург му ја донесе Хан во 82. минута од натпреварот.