Мото ГП: Каква трка – Еспаргаго посилен и од шампионот, но и од дождот на Силверстоун
Шампионатот во Мото ГП стигна до деветтата трка сезонава, која попладнево се возеше во Силверстоун, за Големата награда на Британија.
Финишот на денешната трка ќе се раскажува уште долго, а како победник излезе возачот на Априлија, Шпанецот Алеш Еспаргаро.
Во последниот круг успеа да го претекне актуелниот шампион Франческо Бањаја и тоа со гуми на суво и тоа во услови на дожд.
Навистина, голем подвиг на Еспаргаро, за кого ова е само втора победа во кариерата. Првата ја постигна минатата сезона во Аргентина.
Третото место на подиумот го зазеде Бред Биндер од КТМ.
Бањаја водеше во поголемиот дел од трката, но дождот му го поремети планот. Не се снајде најдобро во изменетите услови, но затоа Еспаргаро покажа како се вози на дожд и на крајот дојде до спектакуларна победа.