Во рамките од Мото ГП шампионатот возачот на „Прамак Дукати“, Хорхе Мартин е победник на трката за Големата награда на Јапонија на патеката Мотеги, која се возеше во скратен формат од 12 наместо 24 круга поради обилните врнежи од дожд.

Ова беше двојна победа за Мартин од ден претходно беше најбрз во спринтерската трка, а покрај него на подиумот беа Франческо Бањаја од „Дукати“ и Марк Маркез од „Репсол Хонда“.

Следат Марко Бецеки, Алеш Еспаргаро, Џек Милер, а во топ 10 завршија и Аугусто Фернандеш, Фабио Ди Џанантонио, Раул Фернандес и Фабио Квартараро.

Прв во генералниот пласман со 319 бодови е Бањаја, го следи Мартин со 316, додека трет е Бецеки со 265 бодови.

Според календарот следната трка во „кралската“ класа ќе биде во Индонезија за две недели.