Ливерпул ги обезбеди првите три бода уште во првото полувреме, новата премиерлигашка сезона започна со автологот на Хенли во седмата минута.

Во 19 минута зголемување на позитивата откако Фирмино убаво го пронајде Салах кој стрелаше од непосредна близина во мрежата на Крул.

Up and running…

Get in, Reds ?

— Liverpool FC (@LFC) August 9, 2019

Па за 3:0 во 28 минута се погрижи Ван Дајк со глава, а овојпат египетскиот интернационалец Салах беше во улога на асистент директно од корнер.

Непосредно пред паузата исто така со глава реализираше и белгискиот фудбалер Орижи, а гостите успеаја единствено да го ублажат првиот пораз сезонава во вториот дел преку Финецот Пуки.

Единствено што вечерва го загрижи менаџерот Клоп е тоа што при 3:0 во 39 минута голманот Алисон остана на тревата, се пожали на повреда и мораше да го напушти теренот, а беше заменет од новајлијата Адриан. Останува да се види колку е сериозна повредата на бразилсчкиот чувар на мрежата на „црвените“.

Премиер лига 2019/2020

Прво коло:

Петок
Ливерпул-Норич 4:1

Сабота

Вест Хем-Манчестер сити (13.30)
Борнмут-Шефилд јунајтед (16.00)
Барнли-Саутемптон (16.00)
Кристал Палас-Евертон (16.00)
Ватфорд-Брајтон (16.00)
Тотенхем-Астон Вила (18.30)

Недела

Њукасл-Арсенал (15.00)
Манчестер јунајтед-Челзи (17.30)