Млада жителка на кавадаречкото село Ваташа утрово предизвикала инцидент на бензинска пумпа во Кавадарци, по што е уапсена, соопшти МВР.

Жената, според полицијата, е приведена откако со недолично и дрско однесување ги вознемирувала вработените и туркала предмети во објектот на бензинската станица. Од СВР Велес соопштија дека настанот се случил утринава во 6:30 часот.

„Полициски службеници од ОВР Кавадарци ја привеле Е.К.(28) од село Ваташа, кавадаречко, затоа што на бензинска станица во Кавадарци го нарушила јавниот ред и мир. По доаѓање на полициските службеници, таа агресивно се однесувала и кон нив. При преземањето мерки, кај жената биле измерени 1,95 промили алкохол во крвта, се вели во соопштението од СВР Велес.

Таа била задржана во полициска станица, а од МВР најавија соодветна пријава.