„Мистер“, ти благодариме: Марчело Липи ја заврши тренерската кариера!
Легендарниот стручњак Марчело Липи одлучи да се повлече. Тој беше одличен фудбалер, но уште подобар како тренер, а после скоро илјада натпревари на клупите на клубовите и репрезентациите одлучи дека е доволно.
Пензионерските денови ќе ги помине гледајќи фудбал, во спортот во кој остави голема трага..„Мистер“ моментно има 72 години и неговото наследство од фудбалот нема да биде заборавено.
– Завршив со тренирањето. Можеби бил корисен во некои други улоги, ќе видиме. Ништо пред наредната пролет. Но, што се однесува до тренирањето, доста е – рече Липи за „Радио Спортива“.
Marcello Lippi has officially retired as a coach ?❤️
With a World Cup, Champions League, numerous Scudetti & other trophies to his name, he’ll go down as one of the greats.
THANK YOU for all the incredible memories, & being instrumental in Italy’s 2006 World Cup win ?? pic.twitter.com/Qn55Pz16Va
— Italian Football TV (@IFTVofficial) October 22, 2020
Тренерската кариера ја започна уште во 1982 година во јуниорските категории на Сампдорија, а ја заврши во 2019 година на клупата на кинеската репрезентација.
Најмногу успеси имаше со Јувентус кога петпати ја освои титулата во Серија А, како и трофејот во Лигата на шампионите (сезона 1995/96).
А секако најмногу ќе се памети како ја водеше репрезентацијата на Италија до трофејот на СП 2006 во Германија. Воедно освојувач на голем број индивидуални признанија..