Мислела дека ја болат бубрезите, а таа всушност се пораѓала
Лизи Квах, 23-годишна инструкторка по танц од САД, на социјалните мрежи ја сподели својата неверојатна животна приказна. Лизи имала страшни болки во пределот на половината, а поради тоа што и порано имала проблеми со бубрезите, мислела дека станува збор за истата состојба, односно дека камењата во бубрезите повторно ѝ создаваат проблеми.
Младата девојка заминала во болница каде што ѝ биле направени сите потребни анализи. Сепак, резултатите од анализите покажале шокантна вистина. Имено, лекарите ѝ соопштиле дека не станува збор за болка предизвикана поради болните бубрези, туку дека станува збор, ни помалку ни повеќе, за породилни болки.
Болките биле последица на пукањето на воденикот, а бебето веќе било на пат да се роди. Лизи веднаш била префрлена во родилна сала и по неколку часови родила здраво женско дете.
– Навистина се чувствував исто како кога пред три години имав „напад“ на бубрезите, кој беше предизвикан од тоа што имам камења во каналите. Но, всушност, јас се пораѓав, а не ни знаев дека сум била трудна. Во изминатите месеци многу јадев и малку вежбав, па зголемувањето на тежината го припишував на тоа. Исто така, мислев и дека имам редовна менструација, но откако се случи породувањето, лекарите ми објаснија дека всушност станува збор за лажна менструација т.е. за крвавење на постелката – раскажала младата мајка