Денеска во дербито од 29 коло во најсилното шкотско првенство фудбалерите на Ренџерс и Селтик одиграа нерешено со резултат 2:2 (2:0).

После првото полувреме водеа домаќините на Иброкс стадионот во Глазгов со головите на Јусеф Шермити во осмата и 26 минута од натпреварот.

Гостите намалија во 56 минута преку Тирни, а во финишот, поточно во судиското надополнување (90+1`) Хатате веднаш по нереализираниот пенал, ја испрати топката во мрежата на Батленд.

Иако беше на клупата за резервни играчи, македонскиот репрезентативец Бојан Миовски остана на клупата кај домаќините.

Ренџерс кој го запиша 12 реми сезонава е на второто место со 57 бодови, зад водечкиот Хартс (63), а на третата позиција е Селтик со 55 бодови, но и еден натпревар помалку.