Министерката за образование Весна Јаневска денеска за време на посетата на Тетово беше прашана од новинар дали со неа донела преведувач, на што таа одговори: „Не“.

„Не ми треба. Не знам кому му треба преведувач за во Македонија да знае македонски јазик“, одговори Јаневска.

Министерката заедно со премиерот Христијан Мицкоски и градоначалникот на Тетово, Биљал Касами, присуствуваа на свеченото пуштање во употреба на реконструираниот Регионален центар за средно стручно образование „Моша Пијаде“ во Тетово.

Ова е втор пат истиот новинар да ѝ сугерира на Јаневска да носи преведувач со себе кога е во Тетово. Минатиот пат, таа рече дека во Македонија има еден службен јазик и не треба да има преведувач.

Вреди: Министерката Јаневска е фрустрирана, не знае ни збор албански, а реагира дека не го разбира Касами