Милик: Мора да бидеме брзи, ќе ни треба „скутер“ за да го стигнеме Мбапе
Денеска полскиот репрезентативен напаѓач Аркадиуш Милик се пошегува во најавата пред утрешниот осминафинален натпревар против актуелниот шампион Франција на Светското првенство во Катар.
Со почеток од 16.00 часот Полјаците ќе се обидат да го елиминираат актуелниот светски шампион.
– Како да се браниме од Килијан Мбапе? Мора да бидеме брзи, потребен ни е скутер за да стигнеме до него. Тешко е да се игра против еден од најдобрите во светот. Ќе мора да се браниме како тим, бидејќи никој не би можел да достигне до него – изјави Милик.
Напаѓачот на Јувентус, исто така, ја истакна важноста на голманот на неговиот тим, Војчех Шчесни, кој веќе одбрани два пенали за време на групната фаза на Мундијалот.
– Неговата вредност е позната одамна, па не случајно е на ова ниво – рече Милик.
Селекторот на Полјаците, Чеслав Михневич призна дека неговиот тим веројатно ќе има мали шанси против светскиот првак Франција.
– Ги барав нивните слабости и не ги најдов. Но, секој тим има фази од играта каде што прави грешки. Ќе мора да ги искористиме и постојано да ги притискаме да грешат – вели Михневич.
Дешан: Не смееме да паднеме во замката да се фокусираме само на Левандовски