Утре, в недела, со почеток од 16.00 часот во осминафиналето на Светското првенство во Катар ќе играат репрезентациите на Франција и Полска на стадионот „Ал Тумама“ во Доха.

Актуелниот светски шампион Франција го освои првото место во групата „Д“ со две победи над Австралија (4:1) и Данска (2:1), а во посследното трето коло загуби од Тунис (0:1).

– Полскиот тим мораше да се брани во групната фаза и тоа го направи добро. Мислам дека дури и тие сакаат да се бранат, но од друга страна имаат многу добри напаѓачи. Тие се тврд тим, искусен на сите позиции, сите играчите се искусни интернационалци – изјави францускиот селектор Дидие Дешан.

Секако, еден се издвојува во редовите на полската селекција, играчот на Барселона – Роберт Левандовски, најдобар стрелец, кој го постигна својот прв гол во Катар Мундијалите.

– Јасно е дека тој е стрелец кој може да направи разлика на натпреварите. Мораме да го намалиме неговото влијание врз играта, колку помалку топки добива, толку помалку може да направи. Но, тој е и многу талентиран, знае како да го користи своето тело. Во претходните натпревари немаше многу шанси, но често една му е доволна. Не смееме да паднеме во замката да се фокусираме само на него, туку дека може да биде опасен, тоа е јасно – рече Дешан.