Милевски повика 24 фудбалери за мечевите со Ерменија и Исланд
Овој месец најдобрата македонска репрезентација ќе ги одигра последните два натпревари од квалификациите за пласман на Светското првенство 2022 во Катар.
Нашата А селекција најпрвин ќе гостува на 11 ноември против Ерменија, а три дена подоцна на Националната арена „Тодор Проески“ – Скопје ќе го пречека Исланд.
Селекторот Благоја Милевски повика 24 фудбалери за претстојните мечеви, а новајлија во составот на селекторот е напаѓачот на турскиот клуб Истанбулспор, Ваљон Етеми.
Составот на македонската А репрезентација за ноемвриските квалификациски мечеви со Ерменија и Исланд:
Голмани: Столе Димитриевски, Дамјан Шишковски, Ристе Јанков
Одбрана: Стефан Ристовски, Дарко Велковски, Висар Муслиу, Кире Ристевски, Езѓан Алиоски, Тодор Тодоровски, Стефан Ашковски, Ѓоко Зајков, Никола Серафимов.
Среден ред: Елиф Елмас, Енис Барди, Стефан Спировски, Тихомир Костадинов, Ердал Ракип, Јани Атанасов.
Напад: Адис Јаховиќ, Милан Ристовски, Бојан Миовски, Александар Трајковски, Дарко Чурлинов, Ваљон Етеми.
View this post on Instagram