Поголема група на мигранти ја пробиле оградата во близина на српско-унгарскиот граничен премин Хоргош-Реске 2. Унгарските погранични полицајци истрелале неколку куршуми како предупредување, пренесува српски „Блиц“.

Според сознанијата на овој медиум, околу 60 нелегални мигранти рано утринава се обиделе да ја преминат српско-унгарската граница, а притоа унгарските чувари истрелале три куршуми во воздухот.

Како што соопштува унгарската полиција, инцидентот се случил околу 5.30 часот утринава. Уапсени се четири лица.

„Блиц“ пишува дека граничниот премиер Хоргош 2 – Реске 2 е затворен за сообраќај, а целиот регион е под „опсада“ на полицијата.