Мерцедесот на Хамилтон продаден за рекордни 18,8 милиони долари
Автомобилот што Британецот го возеше на првенството во 2013 година и со кој ја постигна првата победа зад воланот на Мерцедес продаден за рекордна сума за возило од модерната ера на Формула 1
Тркачкиот автомобил на Мерцедес од Формула 1 возен од Луис Халмилтон беше продаден во Лас Вегас на аукција, за сума од 18,8 милиони долари.
Ова е рекордна сума добиена за автомобил од модерната ера на Формула 1. Со тој автомобил Хамилтон ја забележа својата прва победа зад воланот на Мерцедес.
Претходната рекордна цена за Ф1-автомобил од модерната ера го држеше Ферарито на Михаел Шумахер од 2003 година кое во 2020 година беше проададено за 14,8 милиони долари.
Најскап автомобил од Формула 1 е исто така на Мерцедес, но од првенството во 1954 година, што бил возен од Аргентинецот Хуан Мануел Фанџо. Тој автомобил на аукцијата во 2013 година бил продаден за 29,6 милиони долари.
Инаку, ова е прв автомобил на Марцедес возен од Хамилтон што бил продаден. Тој ја надмина очекуваната цена (10-15 милиони долари) со тоа што достигна 18,8 милиони долари.
