Менталното здравје е поважно: Симон Бајлс се откажа од настап во уште две дисциплини
Најдобрата гимнастичарка на светот, Американката Симон Бајлс одлучи да се повлече од финалните настапи во прескок и двовисински разбој на Игрите во Токио.
„По разговороот со медицинскиот тим, Симон Бајлс одлучи да се повлече од финалињата во прескок и во двовисински разбој. Нејзината состојба секојдневно се проценува за да можеме да одлучиме дали ќе учествува во финалните настапи на партер и на греда“, стои во соопштението на Федерација на гимнастички спортови на САД.
Четирикратната олимписка шампионка откако се повлече од првиот настап во Токио, во екипното финале и тоа по само една ротација, изјави дека менталното здравје е поважно од медалите.
Американките во финалето го освоија сребрениот медал, додека Бајлс исто така се повлече и од финалето во повеќебој каде златниот медал го освои нејзината сонародничка Суниса Ли.