Внуката на американскиот претседател во својата книга пишува дека Доналд Трамп е „токсичен“, „чуден“ и дека „измамите му се начин на живот“, а дека го омаловажувал сопствениот татко кога почнал да пати од Алцхајмерова болест, пишува во соопштението за мемоарите објавени во понеделникот.

Со тоа соопштение на издавачката куќа „Simon&Schuster“ било најавено објавувањето на книгата „Премногу и никогаш доволно“ на 14 јули, наместо 28 јули, пренесува Хина, повикувајќи се на агенцијата дпа.

Американскиот претседател и неговата фамилија пробале преку суд да го запрат објавувањето на книгата.

„Голем интерес за книгата“

Издавачот објаснил дека го померил датумот за објавување на книгата за порано заради „голема побарувачка и исклучителен интерес“.

Крис Бастарди, портпаролот на Мери Трамп, рекол дека се прашува зошто претседателот на САД и неговата фамилија и понатаму се обидуваат да го спречат објавувањето на книгата.

„Обидот на претседателот на замолчи некое лице е последен во низата на проблематични потези кои веќе ја дестабилизираа поделбата на нацијата соочена со глобалната пандемија“, рекол Бастарди.