Многу извесно, тројката која Адем Мекиќ ја реализира во моментите на одлука, ја потврди четвртата победа на машката сениорска кошаркарска репрезентација на Македонија во претквалификациите за Евробаскетот 2029 година.

Претходно и тој се стави во служба на колективот кој успеа да анулира негатива од 18 поени, и да дојде до посакуваната цел – двата бода на гостувањето во Баку против Азербејџан.

– Ова е исклучително важна победа за нас бидејќи, реално, не припаѓаме во ова друштво и мораме тоа да го докажеме на теренот.

Влеговме во грч, не отворивме како што посакувавме, едноставно ни недостасуваше енергија. Од друга страна, домаќинот, понесен од поддршката од трибините, почна силно, агресивно и брзо направи висока предност. Како што одминуваше времето, се навикнавме на играта, го свртевме резултатот во наша корист и ние го диктиравме темпото.

Да бидам искрен, малку опуштено влеговме во мечот. Можеби не залажа фаворитската улога и убедливата победа на домашен терен, но добро е кога добро ќе се заврши. Се надевам дека ова е клучна победа во овие претквалификации и дека конечно ќе продолжиме напред – се зборовите на Мекиќ.

Македонија е првопласирана со осум бодови, пред Луксембург со шест, а по пет имаат Ирска и Азербејџан.