Морските ракчиња, познати како шпампи, совршено се комбинираат со аромата на димениот лосос, а за уште побогат вкус можете да додадете ароматично вино, како посув мускат, траминец или поинтензивен совињон, пишува „Пун куфер“.

Состојки

• 100 г димен лосос
• 150 г шкампи
• 50 г крем-сирење
• 30 г путер
• 2 чешниња лук
• 3 солени европски сардели
• 2 лажици ароматично вино
• 1 лажица сок од лимон
• 400 мл маслиново масло
• 1 лажица капари
• сол и бибер
• магдонос

Подготовка

Шкампите кратко избланширајте ги и исчистете ги. Потоа соединете ги со сите останати состојки и изблендирајте ги со рачен блендер додека не добиете мазна текстура на паштета.

Послужете ја со потпечени парчиња леб, кои претходно ќе ги премачкате со маслиново масло и ќе ги протриете со лук. Потоа исечете ги на помали парчиња и сервирајте.