Вредна медицинска сестра од Тексас стана хит на интернет, откако нејзината сестра близначка сподели фотографија како таа плаче по посебно тешката смена.

Кети Дибари била сликана откако ја завршила својата четврта смена по ред.

„Тоа се околу 53 и повеќе часови работа за четири дена. Тоа не го вклучува 1,5 часот што таа е дневно во автомобилот. Обично не добива шанса да јаде ручек или да пие доволно вода. Таа е толку добра во тоа што го работи, што често заборава како да се грижи за себе додека води грижа за своите пациенти“, рекла нејзината сестра Лаура.

Може да се види како Кети плаче во униформа, кога конечно успеала да седне да одмори, во куќата на Лаура. Дури тогаш успеала да јаде нешто.

„Оваа слика е од јули, кога таа дојде во мојата куќа по посебно тежок ден. Таа породи мртвородено дете. Дали некогаш сте размислувале за тоа што се гледаат медицинските сестри? Тие гледаат голема радост во непречено породување на здрави мајки и бебиња. Тие ја гледаат паниката и анксиозност кога новата мајка се плаши. Тие гледаат тинејџерки кои раѓаат. Гледаат мајки наркоманки, кои раѓаат дете за време на криза. Гледаат дека доаѓа автомобил за погреб. Дали знаевте дека медицинските сестри мораат да организираат погребно друштво да дојде по бебето? Не знаев ниту јас.“ напишала Лаура во постот.

Лаура на крајот заклучила дека медицинските сестри се навистина посебни и дека пациентите и нивните фамилии се поважни од што знаат и самите.