Екипата на Металург ги продолжи договорите со две имиња кои ставија свој печат оваа сезона, тренерот Иван Марковски и хрватскиот репрезентативец Златко Хорват.
Марковски кој кон крајот на март седна на тренерското столче во тимот од Автокоманда и за кратко време успеа да ја консолидира екипата и да ја извлече од резултатската криза потпиша нов тригодишен договор.
– Мојата поддршка во следните три години, како предводник на стручниот штаб, ја добива Иван Марковски, заради енергијата, посветеноста, умешноста да се биде најхрабар кога е најтешко. Одлично е прифатен од екипата, која ја препороди за овој краток период и се надевам дека најдоброто допрва ќе дојде  – изјави претседателката на Металург Зорица Блажевска.

Нов договор доби и хрватскиот репрезентативец Златко Хорват, кој сезонава е убедливо најдоар играч на Металург.

Во тимот од Автокоманда веруваат дека со Марковски на клупата и Хорват како лидер на теренот, екипата ќе се врати на старите патеки.

ФОТО: РК Металург