Марк Закерберг има контрола над три милијарди луѓе, а со тоа контрола и врз нивното однесување

Марк Закерберк, Фејсбук
EPA-EFE/MICHAEL REYNOLDS / POOL

Марк Закерберг има „еднострана контрола над три милијарди луѓе“ поради својата неприкосновена позиција на врвот на компанијата „Фејсбук“ – изјави проблематичарката Френсис Хоген пред британските пратеници и ги повика на силна внатрешна контрола, како би се ограничило управувањето на оваа компанија и би се намалила општествената штета.

Хоген е поранешна службеничка во „Фејсбук“, која објави десетина илјади компромитирачки документи околу внатрешното функционирање на компанијата. Таа пристина во Лондон на парламентарно сослушување и даде квалификувана поддршка на предлозите од британската влада да го регулира функционирањето на социјалните медиуми и да ги принуди да преземат поголема одговорност за содржината и она што објавуваат на нивните веб-страници, пренесува лондонскиот дневен весник „Гардијан“.

Интерната работна култура на „Фејсбук“ му дава приоритет на профитот, и според Хоген „компанијата нема волја да ги осигура системите да работат на безбеден начин“.

Хоген се изјасни:

„Додека не се воспостави противтежа, ваквите нешта ќе се работат исклучиво во интерес на акционерите, а не за јавниот интерес“, предупредувајќи дека и платформата Инстаграм е небезбедна за тинејџери и дека сите истражувања водат до тоа дека оваа социјална мрежа создава „зависници“ кои се опседнати со телесниот изглед.

„Последно што гледаат пред да заспијат, е дека некој е злобен кон нив. Прво што ќе видат наутро, се изјави полни омраза, а тоа е уште полошо“ – предупреди таа.

Франсис Хоген апелираше до „Фејсбук“ да го санкционира споделувањето на содржини со омраза и дезинформации, а да ги фаворизира содржините кои доаѓаат од семејството и пријателите.

На обвинувањата за профитерство и кршење на демократијата, основачот на Фејсбук се брани со отворено писмо

 

Видео на денот