Според „Ла Гаѕета дело Спорт“, италијанскиот селектор Роберто Манчини може да вклучи само еден помеѓу Марио Балотели и Жоао Педро во составот за бараж натпреварите за Светското првенство.

Италијанците ќе се соочат против Македонија на стадионот „Ренцо Барбера“ во Палермо во полуфиналето од плеј-офот на 24 март.

Манчини ќе го открие својот состав во петок наутро и според горенаведениот извор“, а има една дилема во делот на нападот.

Или Марио Балотели или Жоао Педро би можеле да добијат повик, но тешко е да се замисли и двајцата во селекцијата. Двајцата напаѓачи беа дел од собирот во јануари кога „аѕурите“ не одиграа ниту еден натпревар, туку само тренираа.

Последниот настап на Балотели за Италија го имаше во 2018 година, додека Жоао Педро има италијански пасош и никогаш не играл за репрезентацијата. Тој оваа сезона со Каљари постигна 10 гола на 28 натпревари во Серија А.

Балотели сезонава за турската екипа на Адана Демирспор забележа 11 голови во 24 настапи.

Да додадеме уште голманот на Наполи, Алекс Мерет, кој моментно е повреден, ќе биде заменет од Пјерлуиџи Голини, членот на Тотенхем.

Италијанците дозволија 100% капацитет во Палермо за баражот против Македонија