Македонските млади таеквондисти Давид Петковски и Бојана Велковска се закитија со медали на Европското пионерско првенство во Атина, Грција.

Петковски кој освои бронзен медал во категоријата -36 кг., во првата борба циклус на елиминации запиша победа од 2:1 против Толис Константинос од Грција.

Во втората борба циклус на елиминации Петковски оствари триумф од 2:0 против Лимаренко Богдан од Полска.

Нашиот натпреварувач во осминафиналната фаза го совлада (2:0) Флоудас Димитиос од Грција, а во четвртфиналето со ист резултат триумфираше против Роидис Ѓоргиос од Грција.

Петковски загуби со 2:0 од Шабазов Умуд од Азербејџан во полуфиналната борба.

Во женска конкуренција Велковска дојде до бронза во апсолутна категорија. Таа имаше одличен настап и заслужено се радува на освоениот медал.

Во полуфиналето загуби 2:1 во рунди од натпреварувачката која стана европски првак — првата рунда ја доби убедливо, а следните две ги загуби за нијанса.