Македонските пливачи Јанковиќ и Ѓуретановиќ на Медитеранскиот КОМЕН Куп во Лимасол
Денеска преку Солун, македонските кадетски репрезентативци во пливање Сара Јанковиќ и Никола Ѓуретановиќ во придружба на тренерот Горан Стаменов заминаа за Лимасол (Кипар) каде ќе се одржи Медитеранскиот КОМЕН Куп од 3 до 5 јуни 2022 година.
Јанковиќ ќе настапи во следните основни дисциплини на 400 и 800 метри слободно, додека Ѓуретановиќ на 200 и 400 метри слободно.
На линкот ТУКА можете да ги следите резултатите во живо
Освен од Македонија и Кипар, ќе има и натпреварувачи од Италија, Малта, Израел, Белгија, Косово, Франција, Албанија, Србија, Грција и Мароко.
Како што најави претходно Националната пливачка федерација, на Светското првенство во Будимпешта (18 јуни – 3 јули 2022) ќе настапат Евгениј Поп Ацев (далечинско пливање), Андреј Стојановски (пливање), Ева Петровска (пливање) и Миа Блажевска Еминова (пливање).
А на Медитеранските игри во Оран, Алжир (25 јуни – 5 јули 2022) нашата земја ќе ја претставуваат Андреј Стојановски и Ева Петровска.