Нашите најдобри одбојкари во рамките од групата „Ц“ ќе стартуваат против Финска на 1 септември со почеток од 19.00 часот по македонско време во Тампере на Европското првенство кое ќе се одржи од 1-19 септември годинава.

Најдобрата македонска репрезентација која ќе биде предводена од новиот селектор Душко Николиќ во второто коло на 3 септември ќе игра против Холандија од 20.00 часот.

Во третата рунда ривали ни се Турците на 5 септември од 14.00 часот, следниот ден противник ни е Шпанија со почеток од 17.00 часот, а во истиот термин на 8 септември групната фаза ќе ја завршиме против Русија.

Покрај Финска, организатори домаќини на континенталниот собир се и Естонија, Полска и Чешка.

Осминафиналето и четвртфиналето ќе се играат во Гдањск и Острава, а завршниот дел во Катовице.

Капитенот Ѓоргиев удри по ОФМ за смената на селекторот: Срамота и греота е