Македонскиот каратист Весели освои бронза на Балканското првенство во Пореч
Фахик Весели освои бронзен медал во категоријата -60 кг за сениори на вториот ден од Балканското првенство што се одржува во Пореч, Хрватска.
Македонскиот каратист се закити со бронзен медал откако во првото коло го совлада Кристијан Лацковиќ од Хрватска со 2:0, во второто коло го совлада Србинот Милош Радојевиќ со 3:1, додека во третото коло по претходно водство сепак на крајот изгуби од словенецот Тамсе Никлас со 3:5.
Во репасажот извојува две победи, најпрво против Адел Карахасановиќ од Босна и Херцеговина со 6:2, а потоа и против Матија Бојиќ од Црна Гора со 4:1.
Останатите наши претставници имаа добри настапи, иако не стигнаа до борби за медали. Освоени се три петти места за Александар Неделковски во кати, Јована Георгиева и Симона Симовска во борби.
Едно седмо место за Сара Радичевска како и 2 деветти места за Жарко Арсовски и Ангела Мојсовска.