Новинарите ги избраа најдобрите ракометарки за оваа натпреварувачка сезона (2020/2021) во женската Лига на шампионите.

ЕХФ го објави „Ол-стар“ тимот, а во изборот на медиумите се наоѓа македонската репрезентативка Сара Ристовска.

Нашата ракометарка која ги брани боите на ЦСКА Москва е прогласена за најдобро десно крило во ЛШ.

Во најдобриот тим се наоѓаат уште Мајда Мехмедовиќ (лево крило), Ксенија Макеева (пивот), Нора Мерк (десен бек), Изабел Гулден (среден бек), Вероника Кристиансен (лев бек), Сандра Тофт (голман), потоа најдобар одбранбен играч е Беатрес Едвиж, а најдобар млад играч е Катрин Клујбер.

Потсетување дека Ристовска заедно со нејзиниот руски клуб ќе биде дел од Фајнал-фор турнирот во Будимпешта, Унгарија (29/30 мај 2021 година), а во полуфиналето за противник го имаат Кристиансанд од Норвешка. Во второто полуфинале се соочуваат унгарскиот Ѓер и Брест од Франција.