Од 27 до 29 мај 2022 година во турскиот град Ајдин се одржа Балканското младинско првенство во спортско качување во дисциплините водство и брзинско на кое учествуваа преку 80 натпреварувачи од шест балкански земји: Турција, Романија, Грција, Бугарија, Србија и Македонија.

Македонскиот качувачки тим го сочинуваа 14 натпреварувачи во пет категории.

Иако за повеќето ова беше прв натпревар од ваков меѓународен карактер, сите го дадоа својот максимум за подобар резултат.

Македонскиот тим се врати со два освоени медали (сребро и бронза) во категориите Ц (2009-2010) и Д (2011-2012), а заслужни за ваквиот успех се Васил Караѓозов од Астибо – Штип со второ место и Гордан Зографски од Екстрем – Скопје на третата позиција.

Останатите резултати од натпреварувачите на „Астибо“ се следни:

– Игнат Санев 8 место (категорија Д)
– Матеј Марков 8 место (категорија Б)
– Лабина Димитрова 9 место (категорија Б)
– Ева Караѓозова 15 место (категорија Д)