Македонија со 85 кикбоксери на Балканскиот куп во Тешањ
Македонската Кик Бокс Маи Таи федерација предводена од нејзиниот претседател Дејан Митровски – Урко ќе учествува на Балканскиот куп во кикбокс кој ќе се одржува во Тешањ, БиХ.
Нашата земја ќе ја претставуваат вкупно 85 натпреварувачи, 26 тренери и четворица судии од 16 клубови членки на КМФМ:
– Шампион, Аждер, Тим Зоран, Гладијатор Штип, Енерџи, Патриот, Работнички, Самурај Битола, Ас Делчево, Куманово 2006, Максам, Врапчиште, Гладијатор Скопје, Гладијатор Неготино, Титан, Тетово.
На ВАКО 17 Балкан Опен се очекува да настапат и кикбоксери од Бугарија, Хрватска, Унгарија, Литванија, Молдавија, Црна Гора, Србија, Сингапур, Словенија, Турција, како и домаќинот Босна и Херцеговина.
Потсетување дека годинава македонската кикбокс репрезентација учествуваше на Европското првенство за кадети и јуниори во Истанбул, Турција, каде освои шест медали.