Maкедонската кошаркарска репрезентација денеска отпатува за Талин каде што в петок ја очекува натпреварот против Естонија во квалификациите за Евробаскетот 2025 година.

Пред овој натпревар стручниот штаб на репрезентацијата се соочува со големи проблеми поради недостигот на високи играчи во ростерот. Од претходно надвор од комбинација за настап беше Итан Хап, а сега отпадна Теодор Симиќ.

Кошаркарот на Кожув требаше да биде адут на Јончевски во борбата под обрачите, но поради болест нема да биде во комбинација за настап.

Ќе потсетиме, Македонија во Талин мора да слави со најмалку пет поени разлика за да ги задржи шансите за пласман на Европското првенство.