Македонија ќе биде домаќин на најголемата цивилна вежба за одговор при катастрофи на НАТО

Во септември 2020 година Република Северна Македонија ќе биде домаќин на НАТО – Евроатлантскиот центар за координација на одговор при катастрофи (EADRCC) цивилна вежба за одговор при катастрофи – воедно досега најголемата и најмасовната вежба која ќе се одржи во земјава.

По овој повод, денес во Владата на Република Северна Македонија, директорот на Центарот за управување со кризи, м-р Агрон Буџаку и Заменик-помошник генералниот секретар за операции при НАТО, г-дин Џонатан Периш потпишаа Меморандумот за соработка за организација и спроведување на вежбата – „Северна Македонија 2020“.

Покрај потврдување на соработката помеѓу Република Северна Македонија и НАТО (EADRCC), со потпишувањето на Меморандумот за соработка за организација и спроведување на вежбата – „Северна Македонија 2020“, воедно, беа доделени и сертификати за опрема во склоп на проектот НАТО СПС, а кои ќе бидат користени и за вежбата.

Целта на вежбата е подобрување на интеоперабилноста и соработката на Република Северна Македонија со НАТО членките и другите членки на Партнерството за мир (ПзМ), со цел зајакнување на националните капацитети.

Центарот за управување со кризи е овластена институција од страна на Владата на РСМ, во соработка со другите релевантни субјекти од Системот за управување со кризи и ЕАДРЦЦ да ја организира вежбата во согласност со националната легислатива.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот