7 C
Скопје

Македонија има шест градоначалнички и четири министерки, а никогаш немала премиерка или претседателка

Само шест жени се градоначалнички на вкупно 80 општини во Македонија, а во владата само со четири министерства раководат жени. Од осамостојувањето на државата до денеска, Македонија се уште немала жена премиер или претседател на државата. Ова е состојбата со рамноправноста на жените и тоа во 21 век, во модерно опшество и на патот кон Европската Унија.

Според годишните извештаи на Државниот завод за статистика, половина од населението во земјата се жени, а половина се мажи, но, меѓу нив не постои еднаквост. Постои дискриминација при вработувањето: во структурата на вработени 39 проценти се жени, а 61 отсто се мажи.

Во селските средини од секои 4 жени 3 се невработени. Мал број жени се сопственички на бизниси. Жените немаат можност да ги користат субвенциите за селски развој, бидејќи само 2 проценти од нив во селските средини се сопственички на земјата. Само 5 проценти од жените се сопственички на станбен простор, исто така и поголем процент вработени се мажи.

И во овој пратенички состав доминираат мажите, дури и повеќе од претходниот (ИНФОГРАФИК)

Драгана Дрндаревска од Платформата за родова еднаквост во изјава за Слободен печат вели дека иако речиси и да нема жена што денес нема да прослави 8 Март, состојбата не е за славење. Таа посебно нагласува дека е забележителна дискриминацијата на жените при вработување, бркање од работа поради бременост и сексуално вознемирување на работно место, проблеми со кои ниту еден маж речиси никогаш не се соочил во животот.

Прочитајте и...  „Стампа“: Договорот со „Астра-Зенека“ и „Џонсон и Џонсон“ нема да биде продолжен

-За жал се уште не можеме да зборуваме за рамноправност помеѓу жените и мажите во Македонија. Жените во репродуктивниот период се дискримирани при вработување, а често пати се соочуваат и со непродолжување на договорот за работа поради бременост. Уште еден показател за нерамноправноста на половите е сексуалното вознемирување на работното место, ситуација во која многу ретко или никогаш не се нашол некој маж. Единствено нешто во што сме рамноправно со мажите е степенот на образование, но потоа сите образовани жени се „губат“ на пазарот на трудот, вели Дрндаревска.

Оваа година поради пандемијата и зголемениот број на заразени од ковид-19 ќе изостанат осмомартовските прослави, но во центарот на вниманието остануваат подароците и цвеќето како еден од главните симболи на празникот. Радувајќи им се на малите подароци, жените ќе си приспомнуваат за Клара Цеткин и борбата за економска, политичка и социјална рамноправност со мажите.

Зошто жените губат во градоначалничката трка?

Поврзани вести

Фаучи: Сите вакцини против ковид-19 одобрени во САД се безбедни

Слободен печат

Искра Михајловска: Архитектите се должни да помогнат да се избегнат итарпејовските манипулации при градењето и заштитата на објектите

Александра Бубевска

Индија со рекорден број на новозаразени, Мумбај се подготвува за целосно затворање

Слободен печат

Германски експерт предупредува: Полицискиот час е контрапродуктивен

Слободен печат

Ирската комисија почна истрага против Фејсбук откако беа објавени личните податоци на корисници

Слободен печат

Филипче до медицинските лица: Благодарност до сите заслужни за професионалноста, одговорноста и енергијата

Слободен печат

Остави Коментар