Македонија и без најсилните подобра од Турција – Слободен печат
РакометСпорт

Македонија и без најсилните подобра од Турција

Прв успешен тест на сениорите во подготовките за настапот на наредното Европско ракометно првенство во 2020 година.

Денеска во пријателскиот натпревар во рамките од ЕХФ неделата, избраниците на селекторот Данило Брестовац со резултат 26:23 триумфираа над турската репрезентација.

Нашата најдобра селекција иако без најдобрите како Кирил Лазаров, Борко Ристовски, Дејан Манасков, Филип Талески и Филип Кузмановски во Ескишехир успеа да слави против Турција.

Нашата селекција постепено ја контролираше предноста, водеше со три голови разлика (3:0, 8:5), а на паузата заминаа со позитива од 15:11. Најефикасен во нашите редови беше пивотот Жарко Пешевски со осум голови.

Турција – Македонија  23:26 (11:15)

Македонија: Томовски, Кизиќ, Димитриоски 1, Костески, Танкоски 4, Крстевски 1, Кукуловски, Поповски 6, Младеновиќ, Пешевски 8, Јагуриновски 1, Маџовски 4, Димитриевски, Мишевски 1, Арсеновски и Велковски.    Седмерци: 3/4.   Исклучувања: 2 мин.

За в среда е најавен и контролен меч против италијанската репрезентација, а потоа нашите ракометари ќе се вратат во Скопје.

Натпреварите против Грузијците (во кои ќе се настапи со најдобрите) ќе се одираат на 25 октомври од 20:00 часот и на 26 октомврти од 18.00 часот во СЦ А1 Арена „Борис Трајковски“, а влез е слободен за сите љубители на ракометот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close