Екипата на Македонија ЃП одлучи од денеска да ги прекине подготовките за продолжувањето на сезоната откако вчера беше потврдено дека шест лица во Шкендија и Ренова се позитивни на коронавирус.

„Ние како одговорен клуб за здравјето на нашите фудбалери и сите вработени во клубот ги прекинуваме сите активности од денеска, и чекаме нови насоки од владата на РСМ и ФФМ. Македонија ЃП од секогаш била за решение на фудбалот на зелените терени, но со глава во ѕид не се оди, се срамиме од вестите на некои медиуми и ги демантираме сите вести дека имаме закажано пријателски натпревар со ФК Вардар!“, стои во соопштението на Македонија ЃП.