По поразите од Украина и Холандија, македонската женска репрезентација во ракомет на плажа уште еднаш беше совладана на Европското првенство овојпат од домаќинот Португалија (0:2).

Првиот сет го освоија Португалките со 20:12, а вториот со резултат 17:14. Најмногу поени за Македонија на овој меч имаа Ивана Божиновска со 10 и Бојана Диневска со осум.

По три завршени кола на табелата во групата „Б“ Холандија заврши како првопласиран со шест бодови, пред Португалија (4), Украина (2) и Македонија (0).

Нашата репрезентација предводена од селекторот Златко Мојсоски ќе продолжи на ЕП со натпреварите за пласман од 9 до 16.

Следни противници во новата група „2“ ќе бидат Италија, Романија и Унгарија.