Мајсторијата на Лазаров во Топ 10 најдобри голови на ЕП! (ВИДЕО)
Фантастичната низа на погодоци од првиот дел на шампионатот започнува токму со решавачкиот победнички погодок на капитенот против Украина.
Полека стивнува разочарувањето од раната елиминација на македонската репрезентација од Европското првенство, но ќе остане запишано дека беше освоено слабото 15. место од 24 учесници.
Остануваат да се направат анализи и што да се поправи за во иднина да имаме посилна репрезентација на големите натпреварувања.
А дотогаш со внимание ќе го следиме континенталниот собир 2020 и дознаеме кој ќе биде новиот европски шампион годинава.
Официјалниот Јутјуб канал на ЕХФ ЕУРО 2020 ги одвои најдобрите 10 голови од завршената прелиминарна фаза, а помеѓу нив се наоѓа и еден погодок на Кирил Лазаров.
Видео записот или оваа фантастична низа на погодоци започнува токму со решавачкиот гол на нашиот десен бек кој во последните секунди ни ја донесе првата и единствена победа на евро шампионатот против Украина.