Кошаркарот на Минесота, Карл-Ентони Таунс во емотивно видео кое го објави на социјалните мрежи откри дека неговата мајка се наоѓа во тешка состојба, а лекарите веруваат дека тоа е последица од коронавирусот.

Таунс открива дека мајка му, Жаклин Круз, веќе една недела е во болница поради здравствени компликации од коронавирусот и се наоѓа во медицински индуцирана кома и на вентилатор.

– Мислам дека е многу важно сите да ја разберат тежината на ова што се случува во светот со коронавирусот и решив дека можам да помогнам со ова видео. Минатата недела ми кажаа дека моите родители не се чувствуваат добро.

Првата реакција беше да побарам помош за нив, и реков веднаш да одат на лекар откако неколку дена немаше напредок во здравствената состојба. Сестра ми постојано и велеше мајка ми дека треба да биде тестирана за коронавирус. Состојбата постојано и се влошуваше и во болницата, имаше висока температура, белите дробови и беа се полошо, исто како и кашлицата, а докторите се обидуваа да сторат се што е во нивна моќ. Сега и даваат лекови кои очекуваме дека ќе помогнат – зборува Таунс кој се тестираше на коронавирус и резултатите беа негативни.

View this post on Instagram

Sharing my story in the hopes that everyone stays at home! We need more equipment and we need to help those medical personnel on the front lines. Thank you to the medical staff who are helping my mom. You are all the true heroes! Praying for all of us at this difficult time.

A post shared by Karl-Anthony Towns (@karltowns) on Mar 24, 2020 at 9:48pm PDT