Луѓето се бесни дека Ашер ја допира Алиша Кис на настапот на Супербол: Сега се огласи и нејзиниот сопруг
Алиша Кис му беше гостинка на Ашер во шоуто на полувремето на Супербол и двајцата имаа неверојатна хемија на сцената. Во еден момент Ашер ѝ пријде на пејачката и ја прегрна, потег кој на многу од корисниците на социјалните мрежи не им се допадна, па имаше и многу негативни коментари, пишува „Дејли мејл“.
Многумина коментираа дека нејзиниот сопруг, продуцентот Свиз Биц сигурно не е среќен што Ашер така ја допира.
Ден по шоуто, сопругот на Алиша, им се придружи на многу корисници на социјалните мрежи и сподели објава на својот Инстаграм. Тој објави фотографии од неговата сопруга на полувремето и напиша:
– Сите зборувате за погрешни работи. Не го гледате овој неверојатен фустан што го покрива целиот стадион. Изведбата беше неверојатна. Честитки за Ашер и мојата љубов Алиша Кис, таа песна е класика. Не создаваме негативни вибрации овде, правиме историја“, напиша продуцентот.
Многу фанови му одговорија во коментарите. „Ти си подобар човек од мене, јас би го скршил телевизорот“, „Ова не се разликува од бакнувањето на актери во серија или филм. Сето тоа е стратегија“, „Ова е вистински одговор на троловите“, пишуваат луѓето.
Додека фановите се бесни, тој не изгледа вознемирен што Ашер ја прегрнал неговата сопруга. Двојката е во брак од 2010 година и има две деца. Пред да стапат во врска се познавале со години.