Ливаковиќ до Адеми: Брате, ако видиш дека не разбираш што зборуваат, врати се!
Аријан Адеми во неделата го одигра последниот натпревар за Динамо Загреб во победата против Риека, а кариерата ќе ја продолжи во кинески Пекинг Гуан.
Навивачите и играчите емотивно се простија од капитенот на Максимир, а на социјалните мрежи се огласи голманот Доминик Ливаковиќ кој ја презема неговата капитенска лента.
– Капитену, тежок натпревар е зад нас. Емоциите се силни, но кога ја гледаме кореографијата на навивачите, уште еднаш гледаме колку им значиш на соиграчите и на сите навивачи. Заедно ја делевме соблекувалната и постигнавме историски резултати. Беше наш лидер и биди горди и исполнет на себе после сè, затоа што си најголем, затоа што си Динамо. И брате, ако видиш дека не разбираш што зборуваат, врати се! Знаеш дека вратата на клубот никогаш ти е затворена. Среќно пријателе и благодарам за сè! Секогаш ќе имаш посебно место во срцата на сите фанови како и во моето, твојот најголем фан – напиша Ливаковиќ.
Потсетување дека Ливаковиќ е хрватски репрезентативец и играше на Светското првенство во Катар каде имаше блескави моменти.
За 13 години во Динамо, Адеми забележа 373 настапи и постигна 42 гола. Со Динамо освои 21 трофеј, 11 пати го освојуваше првенството на Хрватска, шест пати купот и еднаш Суперкупот. Воедно забележа и рекордни 104 настапи во Европа.
ФОТО | „373 пати срце на терен“ – „Бед Блу Бојс“ со спектакуларна кореографија во чест на Адеми
ВИДЕО | „Максимир“ во знакот на Македонците: Ристовски со гол го испрати Адеми во Кина