Динамо Загреб благодарение на Стефан Ристовски славеше против Ријека во последниот натпревар на Аријан Адеми во дресот на Динамо Загреб.

Пред натпреварот „Бед Блу Бојс“ приредија спектакуларна кореографија во чест на македонскиот репрезентативец кој по 13 години си заминува од „Максимир“ и продолжува во Кина во тимот на Пекинг Гуан.

…Otac sina za ruku uhvati
sine, danas ćemo pobjediti! 💙

Sretan Dan očeva! 🦁#dinamozagreb pic.twitter.com/EbTPYuSUQE

— GNK Dinamo (@gnkdinamo) March 19, 2023

Одлучувачкиот момент во денешниот натпревар се се случи во 68-та минута кога по еден корнер на Батурина, Ристовски остана сам на втората статива и ја смести топката во мрежата.

Аријан Адеми на теренот беше до 84-та минутиа кога беше заменет, а тогаш цел стадион го поздрави со силни овации. Кариерата Адеми ја продолжува во Пекинг Гуан со кој потпиша договор на три години за плата од 1.65 милиони евра по сезона.