Лидс и Алиоски го дознаа ривалот во ФА купот
Денеска ги дознавме двојките од третото коло во ФА Купот, а Лидс на македонскиот репрезентативец Езџан Алиоски ќе ги одмери силите против Крoули таун.
Лидс настапува во Премиер лигата, а нивниот ривал сезонава игра во англиската Лига 2.
Од поатрактивните дуели во третата рунда можеме да ги одвоиме Арсенал-Њукасл, Астон Вила-Ливерпул, Манчестер јунајтед-Ватфорд, Стоук сити-Лестер сити..
Од другите фаворити за трофејот Тотенхем ќе има интересно гостување кај осмолигашот Марин, потоа Манчестер сити е домаќин на Бирмингем сити, а Челси ќе го пречека Морекомб. Сите двојки можете да ги погледнете ТУКА
Натпреварите ќе се играат на 9 и 10 јануари 2021 година. Сите 32 екипи кои ќе триумфираат во оваа фаза ќе соберат 82.000 фунти од наградниот фонд на натпреварувањето.